Tanınmış professordan Musiala ilə bağlı açıqlama

Almaniyanın Essen Universitet Xəstəxanasının nevrologiya şöbəsinin rəhbəri, tanınmış professor Kristof Klaynşnits “Bayern”in yarımmüdafiəçisi Camal Musialanın səhhəti ilə bağlı açıqlama verib.

Avqustun 15-də, “Leyptsiq”lə yoxlama oyununda (3:1) huşunu itirən Musialanın başına eyni hal avqustun 18-də, “Haydenhaym”la matçda (4:2) da gəlib.

Professor, almaniyalı futbolçunun yaşadığı vəziyyətin nevroloji baxımdan epileptik tutma (qıcolma və əsmə) ilə əlaqəli ola biləcəyini söyləyib:

“Bu, nevroloji baxımdan epileptik tutma ola bilər. Belə simptomlar – qısa müddətli huş itirmələr absans epilepsiyasının bir formasına uyğun gəlir. Ancaq bunu qiymətləndirmək üçün nevroloji müayinənin bütün nəticələrini bilməliyik.

Bu vəziyyət müalicə oluna bilir, amma uzunmüddətli terapiya tələb edəcək. Musiala futbol oynamağa davam edə bilər”.