"Çelsi"nin müdafiəçisi "Napoli"də

“Napoli” “Çelsi”nin müdafiəçisi Benia Badyaşilin transferini rəsmən açıqlayıb.

Fransalı futbolçu karyerasını İtaliyada icarə əsasında davam etdirəcək. Bu barədə klubun mətbuat xidməti məlumat yayıb.

Razılaşma 2026/27 mövsümünün sonuna qədər qüvvədə olacaq və Badyaşilin transfer hüquqlarının birdəfəlik alınması imkanını nəzərdə tutur. “Napoli” 25 yaşlı mərkəz müdafiəçisinin icarəsi üçün 3 milyon avro ödəyəcək. Satınalma məbləği isə əlavə olaraq 20 milyon avrodur.

Badyaşil 2023-cü ildən “Çelsi”də çıxış edir. Fransa millisinin üzvü ötən mövsüm London təmsilçisinin heyətində bütün turnirlərdə 16 matçda iştirak edib.