https://innews.az/uploads/news/2026-09/_innews_f77089099b7d7a38a4cdc1ab9_o.jpg
Azərbaycan Dövlət Pedaqoji Universitetinin (ADPU) Strateji İnkişaf Mərkəzinin təşkilatçılığı ilə universitetin 2025–2030-cu illər üzrə Strateji İnkişaf Planının (SİP) icrası və yeni iş planı modelinin tətbiqinə dair onlayn görüş keçirilib.
Görüşdə ADPU-nun Şamaxı, Quba, Cəlilabad, Ağcabədi və Şəki filiallarının nümayəndələri iştirak ediblər.
ADPU-nun strateji inkişaf məsələləri üzrə prorektoru Könül Pirverdiyeva Strateji İnkişaf Planının əsas istiqamətləri barədə məlumat verərək SİP-də müəyyən edilmiş strateji məqsəd, hədəf və fəaliyyətlərin iş planlarında əks etdirilməsinin əhəmiyyətini vurğulayıb.
Daha sonra Strateji İnkişaf Mərkəzinin əməkdaşı Nərmin Faiqzadə yeni iş planı modelini təqdim edib. Fəaliyyətlərin strateji məqsəd və hədəflərlə əlaqələndirilməsi, konkret və ölçüləbilən nəticələr əsasında planlaşdırılması, icra müddətinin, məsul şəxslərin və müvafiq göstəricilərin müəyyənləşdirilməsi praktiki nümunələr əsasında izah olunub.
Görüşdə, həmçinin ADPU-nun prorektoru Könül Pirverdiyeva SİP-in icrasının monitorinq mexanizminə dair təqdimatla çıxış edib. Təqdimatda fəaliyyətlərin icra vəziyyətinin izlənilməsi, nəticələrin müəyyən edilmiş göstəricilər əsasında qiymətləndirilməsi və icranı təsdiq edən məlumatların sistemləşdirilməsi məsələlərinə toxunulub.
Yeni yanaşmanın tətbiqi ADPU-nun strateji prioritetləri ilə filialların fəaliyyətləri arasında əlaqənin gücləndirilməsinə, nəticəyönümlü planlaşdırmaya və icra prosesinin sistemli monitorinqinə xidmət edir.
Ən son xəbərləri səhifəmizdən də izləyin
