"Sabahın ulduzları"nda final nə vaxt olacaq?

AFFA və Bakı Futbol Federasiyasının (BFF) birgə təşkil etdiyi “Sabahın Ulduzları” Bakı Kubokunun həlledici görüşlərinin vaxtı dəyişdirilib.

Əvvəlcə sentyabrın 27-nə planlaşdırılan final oyunları ertələnib.

"Formula 1" və anım günü tədbirləri ilə bağlı yarışın son oyunları, o cümlədən bağlanış mərasimi ayın sonuna keçirilib. U-14 və U-15 yaş qrupunun mükafatçıları sentyabrın 29-u və 30-da bəlli olacaq. "CBC Sport" kanalında canlı yayımlanacaq tədbirin sonunda qaliblər, o cümlədən digər medalçılar mükafatlandırılacaq.

Qeyd edək ki, U-14 yaş qrupunun final oyununda “Qarabağ” və “Sabah” komandaları üz-üzə gələcək, “Ulduz” və “Neftçi”nin görüşündə bürünc medalların sahibi müəyyənləşəcək.

U-15 yaş qrupunda isə final oyunu “Neftçi” və ”Ulduz” komandalarının arasında olacaq. 3-cü mükafat uğrunda EFA və ”Qarabağ” mübarizə aparacaq.