“Mingəçevir Reqatası-2026” başa çatıb: Azərbaycan 22 medal qazanıb

Mingəçevir, "innews media" — Gənclər və İdman Nazirliyi ilə Azərbaycan Su İdmanı Federasiyasının (AZSİF) birgə təşkilatçılığı ilə keçirilən “Mingəçevir Reqatası-2026” beynəlxalq turniri başa çatıb.

"innews media" xəbər verir ki, Füzulidəki Köndələnçay su anbarında start götürən və Mingəçevirdə yekunlaşan yarışda Azərbaycan təmsilçiləri ümumilikdə 22 medal qazanıblar.

Azərbaycanın medal hesabında 7 qızıl, 5 gümüş və 10 bürünc medal yer alıb.

Turnirdə Azərbaycanla yanaşı, Çexiya, Gürcüstan, Macarıstan, Qırğızıstan, Latviya, Litva, Moldova, Tacikistan, Türkiyə, Ukrayna və Özbəkistandan 100-dən çox gənc avarçəkən mübarizə aparıb.