https://innews.az/uploads/news/2026-10/_innews_00729393755de9a1cb239bc08_o.jpg
Gənc yazar Xəzər Ələsgərovun insanın fərdi və ictimai varlığını, cəmiyyətin formalaşma mexanizmlərini və texnologiyanın insan həyatına təsirini müxtəlif aspektlərdən araşdıran “İnsan Memarlığı” kitabı işıq üzü görüb.
“Optimist” nəşriyyatında çapdan çıxmış kitab 451 səhifədən ibarətdir. Əsərdə insanın bioloji və sosial varlığından başlayaraq inanc, cəmiyyət, mülkiyyət, əmək, hakimiyyət, siyasət, sosial siniflər, normalar, dövlət, xalq, dil, mədəniyyət, elm, hekayəçilik və tarix kimi anlayışların insan və cəmiyyətin təşkilindəki rolu nəzərdən keçirilir.
Kitab “Bir Vücutta İki Varlıq”, “İnanc”, “İnsan Toplumu”, “Mərasimlər”, “Mülkiyyət”, “Əmək”, “İqtidar”, “Siyasət”, “Sosial Siniflər”, “Normalar”, “Dövlət”, “Xalq”, “Dil”, “Mədəniyyət”, “Elm”, “Hekayəçilik”, “Tarix”, “Həyat”, “Sosial Mühəndislik”, “İnsan Mühəndisliyi”, “Bilgi Mühəndisliyi”, “I Hissə: Enerji”, “II Hissə: Maşınlar”, “III Hissə: Texnologiya”, “IV Hissə: Bilgi”, “V Hissə: Elektron Maşınlar”, “VI Hissə: Mexantrop”, “Maşınlar təşkilatlanır” və digər bölmələrdən ibarətdir.
“İnsan Memarlığı” kitabı insanın və cəmiyyətin formalaşması, bu prosesdə sosial institutların və texnologiyanın rolunu araşdıran, eyni zamanda texnoloji dəyişikliklərin gələcək insan və cəmiyyət modelinə mümkün təsirlərini düşünməyə imkan verən əsər kimi təqdim olunur.
Ən son xəbərləri səhifəmizdən də izləyin
