https://innews.az/uploads/news/2026-10/_innews_0e327795b29ff5f64a8efb2d4_o.jpg
Daşkənddə Azərbaycan Respublikasının Özbəkistan Respublikasındakı Səfirliyinin tabeliyində Heydər Əliyev adına Azərbaycan Mədəniyyət Mərkəzinin təşkilatçılığı ilə Azərbaycan Həmkarlar İttifaqları Konfederasiyasının nümayəndə heyətinin iştirakı ilə Özbəkistanın turizm şirkətlərinin nümayəndələri üçün təqdimat keçirilib.
Tədbirdə Özbəkistanda fəaliyyət göstərən turizm şirkətlərinin təxminən 40-a yaxın nümayəndəsi və media təmsilçiləri iştirak ediblər. Təqdimat zamanı Azərbaycan kurortlarının turizm və müalicə imkanlarından bəhs edən videoçarx nümayiş olunub, ölkənin müxtəlif bölgələrində yerləşən istirahət mərkəzləri haqqında məlumat verilib.
Ölkəmizin sağlamlıq və istirahət mərkəzlərinin infrastrukturu, müalicə imkanları və qonaqlara təqdim olunan xidmətlər iştirakçıların diqqətinə çatdırılıb.
Təqdimat çərçivəsində Azərbaycan və Özbəkistan arasında turizm əlaqələrinin inkişafı, iki ölkənin turizm potensialının təşviqi və bu sahədə gələcək əməkdaşlıq imkanları barədə fikir mübadiləsi aparılıb.
Ən son xəbərləri səhifəmizdən də izləyin
