https://innews.az/uploads/news/2026-11/_innews_0cb8b95da6ed335866d6ab457_o.jpg
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə AUSD İB – Ailə və Uşaqlara Sosial Dəstək İctimai Birliyi tərəfindən həyata keçirilən “Uşaqların zərərli vərdişlərdən qorunması” layihəsi çərçivəsində 11–12 noyabr 2026-cı il tarixlərində Salyan rayonunda maarifləndirici tədbirlər təşkil olunub.
Səfər çərçivəsində Salyan rayonunun Kür Qaraqaşlı və Ərəbqardaşbəyli kənd tam orta məktəblərində şagirdlərlə görüşlər və maarifləndirici seminarlar keçirilib. Tədbirlərdə Ərəbqardaşbəyli kənd tam orta məktəbindən 29, Kür Qaraqaşlı kənd tam orta məktəbindən isə 26 şagird olmaqla, ümumilikdə 55 məktəbli iştirak edib.
Görüşlərdə Ailə və Uşaqlara Sosial Dəstək İctimai Birliyinin sədri Elnurə Abuşova, uşaq hüquqları üzrə ekspert Kəmalə Aşumova və uşaq klinik psixoloqu Gülnar Salmanova iştirak ediblər.
İnteraktiv formatda təşkil olunan məşğələlərdə şagirdlərə siqaret, elektron siqaret (veyp), alkoqol, narkotik və psixoaktiv maddələr, qumar, internet və oyun asılılığı kimi zərərli vərdişlərin sağlamlığa və sosial həyata mənfi təsirləri, yarada biləcəyi risklər və bu təhlükələrdən qorunma yolları barədə ətraflı məlumat verilib.
Seminarlar zamanı şagirdlər qrup tapşırıqlarında fəallıq nümayiş etdirib, mövzu ilə bağlı müzakirələrə qoşulub, müxtəlif situasiyaları təhlil edərək öz fikir və yanaşmalarını bölüşüblər. Mütəxəssislərin yönləndirməsi ilə həyata keçirilən praktiki çalışmalar uşaqların mövzuya daha dərindən yanaşmasına, sağlam seçim və düzgün qərarvermə bacarıqlarının inkişafına töhfə verib.
Tədbirlərdə zərərli vərdişlərin yaranmasına səbəb olan amillərin vaxtında müəyyənləşdirilməsi, uşaqların riskli davranışlardan qorunması, sağlam həyat tərzinə təşviqi və profilaktik maarifləndirmənin əhəmiyyəti xüsusi vurğulanıb. Eyni zamanda, şagirdlərin sualları cavablandırılıb, onların fikir və təklifləri dinlənilib.
Layihənin əsas məqsədi uşaqlar arasında sağlam həyat tərzinin təşviqi, zərərli vərdişlərin erkən mərhələdə qarşısının alınması, uşaqların, valideynlərin və pedaqoqların bu sahədə məlumatlılığının artırılması, eləcə də aidiyyəti qurumlar və ictimai institutlar arasında əməkdaşlığın inkişaf etdirilməsidir.
İnanırıq ki, uşaqların sağlam, təhlükəsiz və uğurlu gələcəyinin təmin olunması üçün maarifləndirmə tədbirlərinin davamlı təşkili, erkən profilaktika və ailə, məktəb və cəmiyyətin birgə səyləri mühüm əhəmiyyət daşıyır.
Layihə çərçivəsində maarifləndirmə tədbirlərinin növbəti mərhələdə Masallı rayonunda davam etdirilməsi nəzərdə tutulur.
https://www.instagram.com/reel/DfxofflKYy5/?psln=dmQ4ZTJhNWNpcjVm
https://www.instagram.com/reel/DfyplZgq4PP/?exln=MTRsY3U4dTJiamhjOA==
Ən son xəbərləri səhifəmizdən də izləyin