Adil Əliyev növbəti dəfə seçicilərin qəbulunu keçirib

Fevralın 3-də Milli Məclisin sədr müavini Adil Əliyev parlamentə deputat seçildiyi 20 saylı Nərimanov II seçki dairəsində yerləşən deputat ofisində 38 nəfər şəhid ailəsi üzvlərinin, qazilərin və seçicilərin növbəti dəfə qəbulunu keçirib. Qəbul zamanı vətəndaşlar tərəfindən qaldırılan müxtəlif məzmunlu müraciətlər dinlənilib, qaldırılan məsələlərin bir qismi yerindəcə həll olunub.

Bununla yanaşı, digər müraciətlərin həll edilməsi ilə əlaqədar aidiyyəti üzrə məktublar hazırlanıb. Qəbul zamanı vitse-spiker bildirib ki, vətəndaşların sosial rifah vəziyyətinin yaxşılaşdırılması istiqamətində dövlətimiz tərəfindən lazımi addımlar atılır, eləcə də ölkə başçısının tapşırıq və tövsiyələrinə uyğun olaraq, vətəndaşlar mütəmadi qəbul edilir, onların müraciətləri dinlənilərək müfaviq tədbirlər görülür.

Milli Məclisin sədr müavini diqqətə çatdırıb ki, ünvanına daxil olan bütün şifahi və yazılı müraciətlər geniş şəkildə təhlil edilərək, mövcud qanunvericiliyin tələblərinə uyğun olaraq addımlar atılır.