Fərid Qayıbov Salyan Olimpiya İdman Kompleksinin mövcud vəziyyəti ilə tanış olub

Avqustun 21-də gənclər və idman naziri Fərid Qayıbov Salyan rayonuna səfəri çərçivəsində Salyan Olimpiya İdman Kompleksinin mövcud vəziyyəti ilə tanış olub.

Nazir kompleksə baxış zamanı buradakı şərait, qarşıda duran işlər barədə mütəxəssislərlə fikir mübadiləsi aparıb və müvafiq tövsiyələr verib. Fərid Qayıbov həmçinin cüdo, üzgüçülük və futbol bölmələrinin fəaliyyəti ilə maraqlanıb, uşaqların məşqini izləyib, onlarla söhbət edib.