https://innews.az/uploads/news/2023-10/_innews_425adf4f385e42e5667343cac_o.jpg
Çimərlik voleybolu üzrə qadınlardan ibarət AZERRAİL və kişilərdən ibarət MUROV AZ TERMİNAL komandaları CEV klublararası Avropa Kubokunda (Beach Volley European Cup) mübarizəyə start veriblər.
AZERRAİL yarışın ilk günündə Avstriya təmsilçisi BERGSTRAND BV və Fransa klubu RÉ Beach Club ilə qarşılaşıb. Keçirdiyi dörd oyundan ikisində qalib gələn qızlarımız ümumi komanda hesabındakı nəticəyə görə aktivinə 6 xal yazdırıb.
Kişilərin yarışında mübarizə aparan MUROV AZ TERMİNAL klubu isə kubokun birinci günü İspaniyanın Beachbol La Malva VALENCIA komandası ilə üz-üzə gəlib. Qarşılaşmaların birində qalib, digərində məğlub olan MUROV AZ TERMİNAL reqlamentə əsasən 3 xal qazanıb.
A qrupunda mübarizə aparan klublarımız sabah qrup mərhələsində növbəti oyunlarını keçirəcəklər.
Bugünkü oyunların nəticələri
(Qadınlar)
AZERRAİL - BERGSTRAND BV (AUT) 0:2 (17:21, 16:21)
AZERRAİL - BERGSTRAND BV (AUT)2:0 (21:09, 21:18)
RÉ Beach Club (FRA) - AZERRAİL 0:2 (18:21; 10:21)
AZERRAİL - RÉ Beach Club (FRA) 0:2 (06:21, 09:21)
(Kişilər)
MUROV AZ TERMİNAL - Beachbol La Malva VALENCIA (ESP) 2:0 (21:10, 21:06)
Beachbol La Malva VALENCIA (ESP) - MUROV AZ TERMİNAL 2:0 (21:08, 21:08)
Ən son xəbərləri səhifəmizdən də izləyin
