https://innews.az/uploads/news/2023-10/_innews_4cb3b8e868c1a8e8404c2b722_o.jpg
Görmə Məhdudiyyətli İdmançıların Beynəlxalq Federasiyasının (IBSA) prezidenti İlqar Rəhimov 4-cü Asiya Paralimpiya Oyunları çərçivəsində Çin Xalq Respublikasının Hanqjou şəhərində səfərdədir.
Səfər zamanı IBSA prezidenti İ.Rəhimov beynəlxalq təşkilatlar, o cümlədən milli paralimpiya komitələri və görmə məhdudiyyəti olan şəxslərlə çalışan təşkilatların rəhbər şəxsləri ilə görüşüb.
IBSA prezidenti İ.Rəhimov dünya para-atletika federasiyasının sədri Paul Fitzgerald, dünya para-pauerliftinq federasiyasının rəhbəri Jorge Moreno və dünya para-üzgüçülük federasiyasının prezidenti Kreyq Nikolson ilə görüşlərdə qurumlar arasında gələcək əməkdaşlıq və dünyada IBSA idmanının daha da inkişaf etdirilməsi mövzusunda müzakirələr aparıb.
Federasiya prezidenti İlqar Rəhimov Asiya Paralimpiya Komitəsinin vitse-prezidenti, Özbəkistan Paralimpiya Komitəsinin prezidenti Muxtorxon Taşkojayev ilə görüşüb. Görüş zamanı Asiya ölkələrində IBSA idman növlərinin daha da təbliğ edilməsi və inkişaf etdirilməsinə dair danışıqlar aparılıb.
Eyni zamanda IBSA prezidenti İ.Rəhimov Çinin Əlilliyi olan şəxslər Federasiyasının sədri You Lianq, Bəhreyn Milli Paralimpiya Komitəsinin prezidenti Məhəmməd bin Əl Xalifa və Səudiyyə Ərəbistanı Krallığının Olimpiya və Paralimpiya Komitəsinin baş katibi Əbdüləziz bin Əhməd Baeşən ilə görüşüb. Görüş zamanı hər üç ölkədə IBSA idmanının inkişafı barədə danışıqlar aparılıb.
Səudiyyə Ərəbistanı Krallığının Olimpiya və Paralimpiya Komitəsinin baş katibi Əbdüləziz bin Əhməd Baeşən öz növbəsində İlqar Rəhimovu cari ilin noyabr ayında Krallığa dəvət edib. Səfər zamanı IBSA preizdenti İ.Rəhimovun Səudiyyə Ərəbistanının müvafiq qurumlarının rəhbərləri ilə görüşlərin keçirilməsi, eyni zamanda Krallıqda baş tutacaq Səudiyyə Ərəbistan Oyunlarını müşaidə etməsi və Asiya Paralimpiya Komitəsinin Baş Assambleyasında iştirak etməsi nəzərdə tutulub.
IBSA prezidenti Çin Xalq Respublikasına səfər müddətində müxtəlif idman növləri üzrə yarışları izləyib, qalib idmançılara mükafatlar təqdim edib.
Ən son xəbərləri səhifəmizdən də izləyin
