Ümumdünya Şahmat Olimpiadası: Kişi şahmatçılarımız son turda Serbiya yığmasını məğlub ediblər

Hindistanın Çennay şəhərində 44-cü Ümumdünya Şahmat Olimpiadasının son turunun oyunları keçirilib.

Bu gün keçirilən 11-ci turda kişilərdən ibarət komandamız (Şəhriyar Məmmədyarov, Qədir Hüseynov, Vasif Durarbəyli, Rauf Məmmədov) Serbiya yığmasına 2,5:1,5 hesabla qalib gəliblər. Qadın yığmamız (Günay Məmmədzadə, Xanım Balacayeva, Gövhər Beydullayeva, Ülviyyə Fətəliyeva) isə Gürcüstan şahmatçılarına 3:1 hesabı ilə məğlub olaraq medal şanslarını itiriblər.

Qeyd edək ki, qadın millimiz 16 xalla 8-ci, kişi şahmatçılarımız isə bir o qədər xalla 7-ci sırada qərarlaşıblar. Kişilərin yarışında Özbəkistan, qadınların turnirində isə Ukrayna yığması qalib adını qazanıb.

azertag.az