"Mənim bayağı ifaçılarla mübarizə aparmaq fikrim yoxdur"

“Mənim bayağı ifaçılarla mübarizə aparmaq fikrim yoxdur. İnsan kimi uğurlu ola bilərlər. Onların insanlığına iradım, mənfi baxışım yoxdur”.

innews.media xəbər verir ki, bu sözləri jurnalist Pərviz Hüseynin təqdimatında yayımlanan “Pərvizə görə” layihəsində müğənni Ayan Babakişiyeva deyib. Bayağı ifaçılardan söz açan Ayan bunları söyləyib:

“Onları şəxsən tanımıram. Amma öz musiqimi tanıyıram, Azərbaycanın dinləyici kütləsinin nə qədər zövqlü olduğunu bilirəm. Zövqü korlayan insanlara da münasibətim birmənalı mənfi olacaq. İnsan kimi yox, musiqimizi korlayan bir mafiya kimi... Yaxşı insan olmaq bir iş, sənət deyil. Yaxşı insansansa, yaxşı musiqi ifa et. Üç bayağı oxuyanda, bir yaxşı musiqi ifa et. Biz də deyək ki, balansı qoruya bilirsən. Elə bir zamandır ki, ancaq fikirlərində toy, məclisdir, o əyalətdə oxuyum, Rusiyada, Şəmkir toylarında oxuyum... Mən Şəmkir toylarında olmuşam, oluram da... Bu, o demək deyil ki, kütlə məni hara çəkir, ora getməliyəm. Toyda toy mahnısı ifa et, mən də oxuyuram, Bütün repertuarımı səsləndirmirəm ki...”.