https://innews.az/uploads/news/2022-10/_innews_38342fd52f5f6a210563ab326_o.jpg
BMT-nin Uşaqlara Yardım Fondu (UNICEF) tərəfindən Türkiyədən Əfqanıstana göndərilən hər biri 18 ton yük daşıyan 4 ədəd TIR, bu gün günorta saatlarında Bakı Limanına çatıb. Əsasən məktəbli ləvazimatlarından ibarət olan 72 tondan çox yük, Limanının peşəkar komandası tərəfindən operativ şəkildə boşaldılaraq 45 futluq konteynerlərə yüklənir.
Yükləmə prosesi başa çatdıqdan sonra yardım gəmiyə yüklənərək Türkmənistana yola salınacaq və daha sonra quru yolu ilə Əfqanıstana göndəriləcək.
Qeyd edək ki, bu növ yüklər əvvəllər digər beynəlxalq nəqliyyat dəhlizləri vasitəsi ilə təyinat ölkəsinə çatdırılırdı, lakin ölkəmizdən keçən beynəlxalq nəqliyyat dəhlizlərinin dayanıqlığı, stabilliyi və rahatlığı baxımından artıq bir çox yük sahibləri məhz bu dəhlizə üstünlük verir.
Bakı Limanı olaraq humanitar yardımın maneəsiz və sürətli daşınmasına dəstək olmaqdan böyük məmnunluq duyuruq.
