https://innews.az/uploads/news/2026-07/_innews_264845a7bc60c4c864b25f4b6_o.jpg
BEOC-da şirkətin inkişaf yolunda əldə olunan nailiyyətləri və gələcəyə yönəlmiş hədəfləri əks etdirən “Bahar Fest” tədbiri təşkil olunub.
Tədbirdə SOCAR-ın vitse-prezidentləri Babək Hüseynov və Ziba Mustafayeva, Suraxanı Rayon İcra Hakimiyyətinin başçısı Adil Əliyev, eləcə də digər qonaqlar iştirak ediblər.
Tədbir iştirakçıları əvvəlcə Ümummilli Lider Heydər Əliyevin xatirəsini ehtiramla yad edərək büstü önünə gül dəstələri qoyublar. Ardınca Azərbaycan Respublikasının ərazi bütövlüyü uğrunda canından keçmiş şəhidlərin əziz xatirəsi bir dəqiqəlik sükutla anılıb və Azərbaycan Respublikasının Dövlət Himni səsləndirilib.
Tədbirin rəsmi hissəsində qonaqlara SOCAR tərəfindən BEOC-un paylarının əldə edilməsindən sonra müəssisədə əldə olunan hasilat nəticələri, istehsalat səmərəliliyinin artırılması, texnoloji yeniliklərin tətbiqi, əməkdaş rifahına yönəlmiş layihələr, eləcə də həyata keçirilən transformasiya prosesi və qarşıdakı dövr üçün müəyyənləşdirilən əsas inkişaf istiqamətləri barədə ətraflı məlumat təqdim olunub.
Ardınca “Bahar Fest” tədbirinin bədii hissəsinə start verilib. Proqram çərçivəsində əməkdaşlar və qonaqlar musiqi proqramı, komanda oyunları və müxtəlif əyləncə fəaliyyətlərində iştirak edib, istirahət və səmimi ünsiyyət üçün yaradılmış xüsusi zonalarda bir araya gəliblər.
Tədbir çərçivəsində xüsusi fəaliyyəti ilə fərqlənən əməkdaşlar mükafatlandırılıb.
BEOC-un ikinci baharını qeyd etmək məqsədilə təşkil olunan “Bahar Fest” tədbiri iştirakçılar tərəfindən böyük maraq və rəğbətlə qarşılanıb.
Ən son xəbərləri səhifəmizdən də izləyin
