https://innews.az/uploads/news/2026-08/_innews_fd5d319dd1e1a25436acb113b_o.jpg
Bakının ən diqqətçəkən məkanlarından biri olan Bihter Baku növbəti dəfə musiqisevərlərə unudulmaz gecə yaşadıb. Türkiyənin sevilən sənətçisi Mustafa Ceceli Bihter Baku səhnəsində baş tutan konserti ilə tamaşaçı qarşısında çıxış edib.
Bihter Baku son dövrlərdə müxtəlif sənətçilərin iştirakı ilə keçirilən bir-birindən gözəl konsert və musiqi gecələri ilə paytaxtın seçilən məkanlarından birinə çevrilib. Məkanın səhnəsində baş tutan konsertlər həm yerli, həm də xarici sənətçiləri bir araya gətirərək tamaşaçılara fərqli musiqi zövqü təqdim edir.
Konsertdən əvvəl Mustafa Ceceli eksklüziv olaraq bizim kameralar qarşısında Bihter Baku və gecə ilə bağlı fikirlərini bölüşüb. Sənətçi Bihter Baku səhnəsində özəl ifalarla yanaşı, Azərbaycan tamaşaçıları üçün bir neçə milli mahnı da səsləndirəcəyini bildirib.
Mustafa Ceceli xüsusilə “Tar Kamanım gəl”, “Qarabağ, can Qarabağ” kimi Azərbaycan mahnılarını ifa edəcəyini deyib. Sənətçi Qarabağı çox sevdiyini vurğulayaraq “Qarabağ Azərbaycandır!” sözlərini səsləndirib.
Azərbaycanla bağlı sevgisini də ifadə edən Ceceli gecənin onun üçün xüsusi olduğunu qeyd edib.
Türkiyəli sənətçi müsahibə zamanı yeni layihələrindən də ilk dəfə bizimlə danışıb. Ceceli yaxın zamanda Türkiyəli bir sənətçinin repertuarından olan mahnını səsləndirdiyini və yeni musiqi layihəsi üzərində çalışdığını açıqlayıb. Bundan başqa, iranlı sənətçilərdən biri ilə də yeni layihəsinin hazırlandığını bildirib.
Beləliklə, Mustafa Cecelinin Bihter Baku səhnəsindəki çıxışı yalnız musiqi gecəsi deyil, Azərbaycan və Türkiyə musiqisinin bir araya gəldiyi xüsusi sənət axşamı kimi yadda qalıb.
Bihter Baku isə paytaxtın musiqi həyatına rəng qatan, hər dəfə fərqli sənətçiləri və fərqli layihələri ilə tamaşaçılarını təəccübləndirən məkanlardan biri olaraq diqqət çəkməyə davam edir.
Ən son xəbərləri səhifəmizdən də izləyin
