https://innews.az/uploads/news/2026-09/_innews_623bfcbeb3ed00d420e7698cc_o.jpg
2026/2027-ci tədris ili üçün ali məktəblərin bakalavriat, magistratura və dokturantura pillələrinə tələbə qəbulu və elektron qeydiyyat prosesi müddətində Pedaqoji Universitetin İctimaiyyətlə əlaqələr və marketinq şöbəsi tərəfindən abituriyentlərdən, tələbələrdən, həmçinin ictimaiyyət və media nümayəndələrindən daxil olan müraciətlərə çevik cavab verilməsi istiqamətində planlı iş aparılıb. Xüsusilə abituriyentlər və onların valideynlərinin ixtisas seçimi, mövcud ixtisaslar, universitetin infrastrukturu və naviqasiyası, təqaüd imkanları, yataqxana, onlayn qeydiyyat, təhsil tələbə krediti və digər bu kimi məsələlərlə bağlı müraciətləri operativ şəkildə nəzərdən keçirilib və zəruri dəstək göstərilib.
01 iyun - 08 sentyabr tarixləri aralığında universitetin sosial media hesablarında məlumat xarakterli 48 poster və 18 video olmaqla ümumilikdə 66 məzmun paylaşılıb. Bu məzmunlar rəsmi instaqram, feysbuk və linkedin səhifələri, teleqram, votsap və yutub kanalları, ADPU TV instaqram səhifəsi vasitəsilə ümumilikdə 8 milyon 555 min 950 dəfə izlənilib. Bu paylaşımlara orta hesabla bir gün ərzində təxminən 86 min dəfə baxılması deməkdir. Hesabat dövrü ərzində şöbə tərəfindən vətəndaşlardan müxtəlif əlaqə vasitələri ilə daxil olmuş ümumilikdə 16 min 768 müraciət operativ qaydada cavablandırılıb ki, bu da orta hesabla bir günə 168 müraciət deməkdir.
Onlayn qeydiyyatla bağlı universitetdə yerində müraciət xidmətinin təşkil edilməməsinə baxmayaraq Tədbirlərin təşkili və tələbələrlə iş şöbəsi ilə əməkdaşıq çərçivəsində tələbə təşkilatları üzvlərindən təşkil edilmiş könüllü komanda tərəfindən 163 vətəndaşa yerində məlumatlandırma dəstəyi təmin edilib.
Şöbə tərəfindən ADPU-ya yeni qəbul olunmuş tələbələrin məlumatlandırılması və tədris prosesinə adpaptasiyasına dəstək göstərilməsi istiqamətində işlər davam etdirilir.
Ən son xəbərləri səhifəmizdən də izləyin
