https://innews.az/uploads/news/2022-04/_innews_a159bb8c9a55e8ad1f9222e3b_o.jpg
1 aprel 2022-ci il tarixində gənclər təşkilatlarının rəhbər və nümayəndələrinin Azərbaycan Respublikası Milli Məclisinin deputatı Məzahir Əfəndiyev ilə “Gənclər təşkilatlarının Dayanıqlı İnkişaf Məqsədlərinə çatmasında rolu” mövzusunda görüşü baş tutub.
Moderatorluğunu NAYORA-nın Baş Katibi Ramin Həbibzadənin etdiyi görüşdə M.Əfəndiyev giriş nitqi ilə çıxış edərək ilk növbədə bütün iştirakçıları salamladı, Azərbaycanın gənclər siyasətinin dövlətin prioritet istiqamətlərindən biri olduğunu vurğulayaraq bu sahənin inkişafı üçün müstəqilliyimizin ilk illərindən görülmüş işlərdən bəhs etdi.
Millət vəkili mövzu çərçivəsində Dayanıqlı İnkişaf Məqsədlərinin lokallaşdırılması və məqsədlərə nail olmaq üçün BMT tərəfindən hazırlanan yol xəritələrinin gənclər tərəfindən hansı formada icra olunmasına dair məsələlərə də toxundu: “Azərbaycan gənclərinin qlobal çağırışlarda, habelə qlobal gündəliyin icrasında iştirakçılığı bundan sonra da ikitərəfli və çoxtərəfli əməkdaşlıqla davam etdirilməli və Prezident İlham Əliyevin rəhbərliyi ilə gənclər sahəsinin inkişafı üçün yaradılmış bütün infrastrukturlardan maksimum istifadə etməklə formalaşmaqda olan yeni nəsildən ali dəyərlərin qorunmasında və inkişaf etdirilməsində istifadə olunmalıdır”.
Sona doğru NAYORA-nın sədri Azər Əliyev çıxış edərək dəvətimizi qəbul edib, görüşdə iştirak etdiyi üçün Məzahir Əfəndiyevə öz minnətdarlığını bildirmişdir.
Sonda isə deputat NAYORA-nın xatirə dəftərinə xoş arzularını yazmışdır.
Qeyd edək ki, görüş Azərbaycan Respublikası Gənclər Təşkilatları Milli Şurasının təşkilatçılığı ilə həyata keçirilib.
Ən son xəbərləri səhifəmizdən də izləyin
