https://innews.az/uploads/news/2023-06/_innews_27b3d961fb5bf86de1e2df445_o.jpg
Qazaxıstanın Azərbaycandakı Səfiri Alim Bayel görkəmli Azərbaycan filoloqu, türkşünası, türk xalqlarının mədəniyyəti, ədəbiyyatı, tarixi haqqında çoxsaylı elmi əsərlərin müəllifi Elman Quliyevin 65 illiyi münasibətilə təşkil olunan tədbirdə iştirak edib.
Bakıda Azərbaycan Yazıçılar Birliyində keçirilən tədbirdə Azərbaycanın tanınmış yazıçıları və ictimai xadimləri iştirak edib.
Səfir, öz nitqində E.Quliyevin təkcə Azərbaycanın deyil, eyni zamanda bütün türk dünyasının yeni nəsil türkşünasları, fililoqları və ədəbiyyatşünasları üçün örnək olduğunu bildirib. O, əlavə edib ki, professorun Abay Kunanbayev, qazax ədəbiyyatı haqqında yazdığı kitablar və monoqrafiyalar xalqlarımız arasında mədəni-mənəvi əlaqələrin inkişafına öz töhfələrini verib.
Diplomat, E.Quliyevə möhkəm cansağlığı, yaradıcılıq fəaliyyətində uğurlar arzu edib və Qazaxıstan Respublikasının Mədəniyyət və İdman Nazirliyinin təşəkkür məktubunu təqdim edib.
