https://innews.az/uploads/news/2023-08/_innews_2daacdc4310b1463bd4415841_o.jpg
II Milli Qurama Festivalı çərçivəsində Şamaxı İcra Hakimiyyətinin təşkilatı dəstəyi ilə Şamaxı Yaradıcılıq Mərkəzində tədbir keçirilib.
Tədbir Qurama yürüşü ilə başlayaraq, sərgi, ustad dərslər və dekorativ tətbiqi sənət nümunələrinin nümayişi və satış yarmarkası ilə davam edərək, musiqili proqramla bitmişdir.
Tədbirdə sənətkarlar qonaqlara öz əl işlərinin hazırlanması prosesini nümayiş etdirib, onların suallarını cavablandırıb, qədim tikmə növü olan qurama məhsullarının hazırlanması üzrə ustad dərsləri keçiblər.
Qeyd edək ki, Milli Qurama Festivalı “İçərişəhər” Dövlət Tarix-Memarlıq Qoruğu İdarəsinin, Azərbaycan Respublikası Mədəniyyət Nazirliyinin və Azərbaycan Respublikası Elm və Təhsil Nazirliyinin təşkilatçılığı ilə keçirilir.
Ən son xəbərləri səhifəmizdən də izləyin
