AZPROMO Almaniyada keçirilən Forumda iştirak edib

AZPROMO Almaniyada keçirilən Forumda iştirak edib AZPROMO Almaniyada keçirilən Forumda iştirak edib https://innews.az/az/news/id-32690

Tədbirdə azərbaycanlı mühəndislərin bilik və bacarıqlarından səmərəli istifadənin üstünlükləri diqqətə çatdırılıb.

İxracın və İnvestisiyaların Təşviqi Agentliyi – AZPROMO Diasporla İş üzrə Dövlət Komitəsinin təşkilatçılığı ilə Almaniyanın Berlin şəhərində keçirilən “Avropada yaşayan azərbaycanlı mühəndislərin Forumu”nda təmsil olunub.

Forumda çıxış edən AZPROMO-nun icraçı direktoru Yusif Abdullayev ölkəmizin yaşıl investisiya potensialı haqqında məlumat verib, Azərbaycan-Almaniya iqtisadi-ticarət əlaqələrini yüksək qiymətləndirib və münasibətlərimizin daha da inkişaf etdirilməsi üçün sözügedən sahədə əməkdaşlıq imkanlarının mövcud olduğunu diqqətə çatdırıb.

Tədbir zamanı Avropanın ayrı-ayrı ölkələrində yaşayan azərbaycanlı alim və mütəxəssislər təqdimatlarla çıxış edib, ölkəmizdə keçiriləcək COP29-la bağlı videoçarx nümayiş olunub. 

Qeyd edək ki, forumda Avropadan 125 mühəndis, alim, dövlət qurumların nümayəndələri, yerli və xarici qonaqlar iştirak edib.