https://innews.az/uploads/news/2024-09/_innews_106ca85622a516a988f67b258_o.jpg
Əməkdar artist Dilarə Əliyeva qızı Banunun aktrisalıq yolunda addımlamasından söz açıb.
innews.media xəbər verir ki, bu barədə o, “Pərvizə görə” layihəsində danışıb:
“Banu qızım olduğuna görə demirəm, olduqca mütaliəli, intellektli, mükəmməl biliyə sahib qızdır. Mən bu səhnəyə gələn insanların mütaliəli və intellektli olmağını istəyirəm. Banunun olduqca yüksək yumor hissi var. Öz uşağım olduğu üçün tərifləmirəm. Hansı ki, belə düşünənlər də olacaq. Mən elə insanam ki, nəsə alınmasa, deyərəm, bu, elə deyil belədir. Banu səhnəyə çox yaraşır, yaraşacaq da. Fərqlidir, qeyri-adidir. İnsanlar hər kəsdə bildiyimiz bir görüntü istəyirlər. Amma Banunun gözəlliyi onun fərqli və qeyri-adi olmasındadır. O, öz fərqliliyini Universitetdə get-gedə kəşf edəcək. Dərslərini gətirir, göstərir. Onu elə görmək çox xoşuma gəlir. İnşallah orada çox inkişaf edəcək. Yaxşı müəllimləri var. Mükəmməliyə gedən yolun astanasındadır. Bəlli bir yerə çatacaq. Mən də yanındayam, hər zaman nə dəstək lazımdırsa, göstərəcəyəm. Mənim övladım olduğu üçün yox, o, buna layiqdir. Övlad da nələrəsə layiq olmalıdır. Hesab edirəm ki, haqqı olanlara meydan yaratmaq lazımdır. Həyatda çox insan olub ki, qohumum, tanışım olmasa da, onlara meydan yaratmağa çalışmışam. Çünki zamanında Oqtay mənə bu meydanı yaratmasaydı, öz potensialımı göstərə bilməzdim. Potensialı olan insana meydan vermək lazımdır, gerisi ona baxır”.
Qeyd edək ki, Banu Əliyeva bu il Azərbaycan Dövlət Mədəniyyət və İncəsənət Universitetinə qəbul olunub.
Ən son xəbərləri səhifəmizdən də izləyin
