Nadir Rüstəmli: “Duman”ı yaşıl gözlü bir xanıma yazmışam” - VİDEO

“Avroviziya-2022” təmsilçimiz Nadir Rüstəmli yeni mahnısının yayımlanma tarixini açıqlayıb.

innews.media xəbər verir ki, sözləri və musiqisi sənətçinin özünə məxsus olan “Duman” adlı mahnı oktyabrın 4-də bütün rəqəmsal musiqi platformalarında işıq üzü görəcək.

Sənətçi bildirib ki, o, bu mahnını illər əvvəl həyatında olan yaşıl gözlü bir xanıma yazsa da, yayımlamayıb. Nəhayət mahnının əskik hissələrini tamamladığına görə, yayımlamaq qərarına gəlib. Lakin o, həmin yaşıl gözlü xanımın kimliyini açıqlamayıb.

Qeyd edək ki, Nadir Rüstəmli uzun müddətdir musiqi sevərlər tərəfindən gözlənilən “Duman”-ın nəqarət hissəsini öz “İnstagram” səhifəsində yayımlayıb. Video qısa müddətdə izləyicilər tərəfindən olduqca maraqla qarşılanıb.