https://innews.az/uploads/news/2024-12/_innews_f1cd4c2ebe4d74fd9c7728a8e_o.jpg
Azərbaycan Respublikası Gənclər Fondunun maliyyə dəstəyi və “TechAcademy”nin tərəfdaşlığı ilə “CodeSphere” layihəsi baş tutub.
Gənc proqramçılar və bu sahəyə marağı olan gənclər arasında front-end proqramlaşdırma üzrə məlumatlılıq səviyyəsini yüksəltmək, gənclər arasında bu sahənin düzgün şəkildə təbliğini təmin etmək və savadlı mütəxəssislərin yetişməsinə dəstək olmaq məqsədilə həyata keçirilən layihə çərçivəsində 6 təlim baş tutmuşdur. Layihədə müsahibə nəticəsində uğurlu seçilmiş 24 gənc iştirak hüququ qazanıb.
İlk təlim Azərbaycan Respublikası Vətəndaşlara Xidmət və Sosial İnnovasiyalar üzrə Dövlət Agentliyinin əməkdaşı Tərlan Ağcayev tərəfindən Kod redsaktorlarına giriş HTML-ə giriş; CSS-ə giriş mövzularında həyata keçirilib. Növbəti təlimlər “CSS stilinin təməlləri”, “CSS Layout Techniques” və təcrübə əsasında həyata keçirilib.
Proqramın sonuncu mərhələsində iştirakçılar öz layihələrini təqdim etmiş və yaradıcılıqları ilə seçilən ilk üç iştirakçı medallarla təltif olunmuşdur. Bundan əlavə, bütün iştirakçılara “TechAcademy”nin hədiyyələri təqdim edilib.
“Codesphere” proqramı, gənclərin texnoloji biliklərini artırmaq və onları gələcəkdə uğurlu layihələr həyata keçirməyə həvəsləndirmək üçün mühüm addım olmuşdur. Proqram həm fərdi inkişaf, həm də komandada işləmə bacarıqlarını təkmilləşdirmək üçün ideal bir platforma olmub.
