https://innews.az/uploads/news/2025-02/_innews_df6838b34d1761a4f40660748_o.jpg
“Maddiyyat mənə lazım deyil. Sadəcə yaşayışım və ətrafım üçün lazımdır. Mən madiyyatın ölüsü deyiləm. Siz məni başa düşməmisiniz”.
innews.media xəbər verir ki, bu sözlər ARB TV-də yayımlanan “Pərvizə görə” verilişində müğənni Mətanət Əsədova söyləyib.
“Bəlkə də məni heç kəs başa düşmür. Mən madiyyata qarşıyam. Mənim bir tikə çörəyim olsun ki, ac qalmayım, kiməsə möhtac olmayım, ya da kimsə mənə müraciət edəndə onu boş qaytarmayım. Qaldı ki, mən madiyyatdan ötrü ölüm, gözüm ac olsun, 20 dənə filan şeyim olsun, 30 dənə filan şey... Olmadı ki... Sən bunun birindıən istifadə edəcəksən, birində oturacaqsan, birini sürəcəksən. Bu, nə acgözlükdür? Mənə çatmır. Deyirəm, bir dənə olsun, özümün olsum, halal pul qazanım. Varsa, var. Yoxdursa, yoxdur, nə edək?
Zil səsdə də şirinlik olmalıdır, sənə çatmalıdır. Zil qışqırmaq, insanların beynini yormaqdan ötrü deyil. İnsanları musiqiyə nifrət edəcək həddə çatdırma. Hamı qışqıra bilər. Qışqırmaqladır? İndi elə bir dövrdə yaşayırıq ki, qışqırmaq, ləyaqsızlıq, abırsızlıq dəbdədir. O bunu etdisə, mən ondan artığını edim, deyirlər. Bir məsəl var, bir-birilərinin bəhsinə... Nə isə, arxasını demirəm. İndi soyunmaq, qışqırmaq və səviyyəsiz oxumaq dəbdədir. Bunu edir, amma ay onu dinləyən, toya çağıran, sən də o səviyyədəsən? Allaha şükür edirəm ki, məndən el şənliklərində çox aşağı səviyyədə olan musiqiləri istəməyiblər. Buna ixtiyarı da yoxdur. Bilir ki, qarşısındakı Mətanət Əsədovadır. Gəlib elə söz desələr, mən dəli olaram”, - deyə, müğənni bildirib.
Əsədova səhnəyə gəldiyi üçün peşman olduğunu dilə gətirib:
“Ağlım olsaydı, səhnəyə gəlməzdim. İstəyir, əvvəl, istəyir, indi. Səsin var, get, evində oxu. Əgər eşidilib qiymətsiz, dəyərsiz qalacaqsa, eşitməyin səsimi. Evimdə oturardım, nəyimə lazımdır, əsəblərim getdi.
Özümdə də tənbəllik var. Məni tərpətmək lazımdır. Məni tərpədən olsaydı, dünya mənim çıxışımdan danışardı. Bunun səbəbini deyə bilməyəcəyəm. Desəm, kövrələrsiniz. Neçə ildir səhnədəyəm. Bilmirəm camaat nəyimi sevib? Axı mən hələ oxumamışam. Mətanətin içində sənət fırtınası var. Onu təqdim etməyə imkan verməyiblər. Çünki lap əvvəldən məni küsdürdülər. Kim küsdürdü, kimlər bu hərəkəti etdi, o da məndə qalsın. Onlarla yəqin ki, o dünyada görüşəcəyəm. İstəməyənlər kənarda dursun.... Mən böyük adamam dözdüm, səsimi çıxarmadım. Həm arımdan, həm abırımdan susdum, həm də onu dəyərsiz bilib cavab vermədim”.
Ən son xəbərləri səhifəmizdən də izləyin
