https://innews.az/uploads/news/2025-05/_innews_5a699e0f7356a9cee97f6f23b_o.jpg
Mayın 14-də Bakı Slavyan Universitetində (BSU) “Sufizm cərəyanı və onun Azərbaycanda inkişaf mərhələləri” mövzusunda elmi seminar keçirilib.
Seminar tələbələr arasında fəlsəfi və dini düşüncəyə marağın artırılması, onların mənəvi və intellektual inkişafına dəstək göstərilməsi məqsədi daşıyıb.
Seminar zamanı Azərbaycan tarixi və multikulturalizm kafedrasının müdiri Əsgər Əhməd sufizmin yaranma səbəbləri, əsas ideya və prinsipləri, inkişaf mərhələləri, o cümlədən Azərbaycanda mövcud olmuş müxtəlif sufi təriqətləri haqqında ətraflı məlumat verib. O, sufizmin yalnız dini düşüncə sistemi deyil, həm də insanın mənəvi kamilliyə aparan bir yol kimi əhəmiyyətini xüsusi olaraq qeyd edib.
Sonda çıxışçılar belə elmi tədbirlərin tələbələrin dünyagörüşünün formalaşmasında, analitik təfəkkürlərinin inkişafında və Azərbaycan elmi-humanitar düşüncəsinin zənginləşdirilməsində mühüm rol oynadığını vurğulayıblar.
