Xalq artisti Röya Ayxanın 25 illik yubiley konsertinə bilet satışları rekorda imza atdı

Azərbaycanın xalq artisti, pop musiqisinin lideri və milyonların sevimlisi Röya Ayxan bu il səhnə fəaliyyətinin 25 illiyini qeyd edir. Bu əlamətdar hadisə münasibətilə 2025-ci ilin oktyabr ayında Heydər Əliyev Sarayında möhtəşəm yubiley konserti keçiriləcək.

Konsertin elan edilməsindən yalnız üç gün sonra bilet satışında rekord göstəriciyə imza atılıb – biletlərin 70 faizi artıq satılıb. Konsertə hələ 5 ay qalsa da, tamaşaçı marağının bu səviyyədə olması Röya Ayxanın sənətə və tamaşaçısına olan dərin sevgisinin bir göstəricisi kimi qiymətləndirilir.

Röya Ayxan bu yubiley konsertində 25 illik sənət yoluna nəzər salacaq, pərəstişkarları ilə birgə unudulmaz musiqi və emosional anlar yaşayacaq. Bu, sadəcə konsert deyil – bir dövrün, bir irsin, bir ulduzun tarixidir.