https://innews.az/uploads/news/2025-07/_innews_2cb7280e60b0775bb24ffb45f_o.jpg
Bakı Slavyan Universitetinin Xarici Dil Müəllimliyi fakültəsinin Alman dili müəllimliyi ixtisası üzrə 3-cü tədris ili tələbələri Aytac Əsgərova və Səbinə Əliyeva DAAD (Alman Akademik Mübadilə Xidməti) tərəfindən təşkil olunan müsabiqədə uğur qazanaraq Almaniyada keçiriləcək yay məktəbində iştirak etmək üçün təqaüd qazanıblar.
Tələbələr müsabiqə çərçivəsində keçirilən dil imtahanında iştirak edərək tələb olunan bütün mərhələləri uğurla başa vurub və B1 səviyyəsində dil sertifikatı əldə ediblər.
Yay məktəbi proqramı Almaniyanın nüfuzlu ali təhsil ocaqları olan Technische Hochschule Wildau (Berlin) və Universität Bremen (Bremen) universitetlərində keçiriləcək.
Qeyd edək ki, DAAD tərəfindən təşkil olunan müsabiqədə Azərbaycan üzrə ümumilikdə 93 tələbə iştirak edib, onlardan yalnız 13 nəfər uğur qazanıb.
Tələbələrimizi təbrik edir, onlara yeni bilik və təcrübə yolunda uğurlar arzulayırıq!
