Murad Arif bu dəfə kövrəltdi

Öz uşaqlıq fotolarını instaqram səhifəsində paylaşan Murad Arif həyat hekayəsindən çox kövrək bir epizodu öz instagram səhifəsində izləyiciləri ilə bölüşdü. O bu paylaşımı ilə yüzlərlə izləyicisinin qəlbinə toxunub.

“Birisi “90lar başqa idi” deyəndə, yadıma altı deşik ayaqqabılarım düşür.

Xatırlayıram ki, ayaqqabılarımın altı hər zaman yırtılırdı. Yenisini almağa imkan olmurdu… O ayaqqabılar zatən, xalam uşaqlarının köhnəsiydi, bəlkə də ona görə ömrü qısa idi)
Evdə atamla “lifehack” fikirləşmişdik. Ayaqqabının içinə kardon ya da linolyum kəsib, sərərdim.. Mamamın toxuduğu yun corabların üstündən, salofan torba da geyinirdim. Yenə də su keçirir, ayaqlarım donurdu. Həm də necə narahat idi, İlahi)

İllərlə məktəbə beləcə ayaq döymüşəm. O vaxtdan soyuğu, qışı heç sevmirəm. Hava dəyişən kimi ayaqlarım hələ də üşüyür…”-, deyə sənətçi qeyd edib.