https://innews.az/uploads/news/2025-10/_innews_1c27bc41adf17d867c419bd85_o.jpg
Oktyabrın 29-da Bakı Slavyan Universitetində (BSU) “Müəllimlərin İşə Qəbulu (MİQ) və Sertifikasiya İmtahanlarına Hazırlıq” mövzusunda interaktiv təlim təşkil olunub.
MİQ üzrə yüksək nəticələri ilə tanınan təcrübəli mütəxəssis Şəfəq Nağıyeva tərəfindən keçirilən təlimdə MİQ imtahanlarının strukturu, test tapşırıqlarının xüsusiyyətləri, qiymətləndirmə meyarları və effektiv cavab strategiyaları barədə ətraflı məlumat təqdim olunub.
Təlim zamanı iştirakçılarla birgə Azərbaycan dili, ədəbiyyat, riyaziyyat, ingilis dili və kurikulum fənləri üzrə praktiki məşğələlər aparılıb.
Təlimin əsas məqsədi pedaqoji ixtisaslı tələbələrin, müəllimlərin və təhsil sahəsində fəaliyyət göstərən mütəxəssislərin bilik və bacarıqlarının artırılması, onların MİQ və Sertifikasiya imtahanlarına daha səmərəli şəkildə hazırlanmasına dəstək göstərmək olub.
