ADPU-da professor Bülənd Himmətoğlu “Tədqiqat əsaslı tədris” mövzusunda təqdimat edib

ADPU-da professor Bülənd Himmətoğlu “Tədqiqat əsaslı tədris” mövzusunda təqdimat edib ADPU-da professor Bülənd Himmətoğlu “Tədqiqat əsaslı tədris” mövzusunda təqdimat edib https://innews.az/az/news/id-53961

Oktyabrın 30-da Azərbaycan Dövlət Pedaqoji Universitetində (ADPU) professor Bülənd Himmətoğlunun “Tədqiqat əsaslı tədris” (“Araştırma Temelli Öğretim”) mövzusunda təqdimatı keçirilib. Tədbirdə universitetin rəhbərliyi, professor-müəllim heyəti, sturuktur nümayəndələri və tələbələr iştirak ediblər.

Tədbirin açılışında çıxış edən ADPU-nun rektoru professor Cəfər Cəfərov qeyd edib ki, müasir dövrdə müəllimlərin elmi-tədqiqat fəaliyyətinə cəlb olunması, öyrədici prosesdə araşdırma mədəniyyətinin formalaşdırılması ali pedaqoji təhsilin əsas prioritetlərindəndir. Rektor bildirib ki, professor Bülənd Himmətoğlunun zəngin təcrübəsi  bu baxımdan ADPU kollektivinə çox  faydalı olacaq. Rektor professor Bülənd Himmətoğluna təşəkkürünü bildirib və onun təqdimatının universitetin müəllimlərinin elmi-pedaqoji fəaliyyətinə mühüm töhfə verəcəyini vurğulayıb.

Daha sonra professor Bülənd Himmətoğlu “Tədqiqat əsaslı tədris” mövzusunda geniş təqdimatla çıxış edib. O, müasir təhsil sistemində tədqiqatyönümlü tədrisin əhəmiyyətindən, tələbələrin elmi düşünmə, problem həlletmə və analitik bacarıqlarının inkişafında bu yanaşmanın rolundan danışıb. Təqdimatda, həmçinin professor şəxsi təcrübələri əsasında bu günün müəllim modeli haqqında fikirlərini bölüşüb, müəllimi  artıq öyrədən deyil, yöl göstərici olaraq üzərinə düşən məsuliyyətlərinin daha da artdığını vurğulayıb.