https://innews.az/uploads/news/2025-11/_innews_9fff99969329e7ee65a1d72f7_o.jpg
Noyabrın 5-də Azərbaycan Dövlət Pedaqoji Universiteti Tələbə Gənclər Təşkilatının (ADPU TGT) nəzdində fəaliyyət göstərən Elm və təhsil klubunun təşkilatçılığı ilə “Zəfər Tariximiz” adlı görüş təşkil olunub.
Görüşdə ADPU Tarix və coğrafiya fakültəsinin Azərbaycan tarixi kafedrasının müəllimi, t.ü.f.d. Xalidə Habil qızı İbrahimova çıxış edərək Vətən müharibəsində qazanılan tarixi qələbədən, xalqımızın qəhrəmanlıq ruhundan və bu zəfərin milli kimliyimizin formalaşmasında oynadığı mühüm roldan bəhs edib.
Görüş zamanı tələbələr mövzu ilə bağlı suallarını ünvanlayıb, müzakirələrdə fəal iştirak ediblər. Tədbir iştirakçıları Vətən müharibəsinə dair yeni faktlar və tarixi məqamlar barədə geniş məlumat əldə ediblər.
