https://innews.az/uploads/news/2025-11/_innews_4e6a768a81fd9d1947aba021f_o.jpg
Noyabrın 20-də Bakı Slavyan Universitetində (BSU) Təhsil Tələbə Krediti Fondu (TTKF) tərəfindən tələbələr üçün maarifləndirici infosessiya təşkil olunub.
Tədbirdə çıxış edən BSU-nun Tədris məsələləri üzrə prorektoru Fikrət Cahangirov Fondun fəaliyyətinin gənclərin təhsil imkanlarının genişləndirilməsində mühüm rol oynadığını vurğulayıb. O bildirib ki, bu kimi məlumat xarakterli görüşlərin təşkili tələbələrin maarifləndirilməsi baxımından olduqca əhəmiyyətlidir. Prorektor qeyd edib ki, TTKF layihəsi cənab Prezidentin gənclərə göstərdiyi qayğının və onların təhsilini dəstəkləməyə yönəlmiş ən mühüm təşəbbüslərdən biridir.
TTKF-nin sədr müavini Tahir Xələfov Fondun məqsədi, təqdim etdiyi imkanlar, eləcə də mövcud güzəştlər barədə ətraflı məlumat verib.
Tədbir zamanı TTK növləri, kreditlərin şərtləri və faiz dərəcələri haqqında geniş məlumat verilib və BSU üzrə TTK ilə bağlı mövcud statistik göstəriciləri diqqətə çatdırılıb.
Tədbir tələbələrin suallarının cavablandırılması ilə davam edib.
