https://innews.az/uploads/news/2025-11/_innews_28b3f9a3335b040976179252b_o.jpg
Azərbaycan Dövlət Pedaqoji Universitetində (ADPU) universitetə ən yüksək balla qəbul olunan tələbələrə Tələbə Həmkarlar İttifaqı Komitəinin (ADPU THİK) birdəfəlik xüsusi təqdaüdləri təqdim olunub.
Təqdimat mərasimində ADPU-nun rektorun professor Cəfər Cəfərov, elm və innovasiyalar üzrə prorektor professor Asəf Zamanov, sosial və humanitar məsələlər üzrə prorektor professor Fikrət Rzayev, Quba filialının direktoru professor Yusif Alıyev, Şəki filialının direktoru dosent Vurğun Məmmədov, Şamaxı filialının direktoru dosent Tünzalə Yusifova, Ağcabədi filialının direktoru dosent Mobil Məcidov, Cəlilabad filialının direktoru dosent Xudayar Sultanlı, Magistratura və doktorantura şöbəsinin müdiri, s.e.ü.f.d. Rəşad Sadıqov, Tədbirlərin təşkili və tələbələrlə iş şöbəsinin müdiri Turan Kərimli, İctimaiyyətlə əlaqələr və marketinq .öbəsinin müdiri Taleh Mirzəyev, ADPU THİK sədri Cəmilə Qurbanova və cari tədris ilində ADPU-nun bakalavriat və magistratura səviyyələrinə, eləcə də hər bir filiala ən yüksək nəticə ilə qəbul olunmuş 7 nəfər tələbə iştirak edib.
Qeyd edək ki, 2025/2026-cı tədris ilindən etibarən ADPU THİK tərəfindən hər il bakalavriat səviyyəsi üzrə ixtisas seçimində birinci yerdə ADPU-nu seçməklə ən yüksək nəticə ilə qəbul olunan tələbəyə 400 AZN, ADPU-nun filialları və magistratura səviyyəsinə ən yüksək balla qəbul olunan tələbəyə isə 500 AZN məbləğində birdəfəlik xüsusi təqaüd verilir.
Görüşdə tələbələr gələcək planları, təhsil istiqamətləri və hədəfləri barədə fikirlərini bölüşüb, müəllimliyin onlar üçün cəmiyyətə fayda vermək missiyası olduğunu vurğulayıblar.
Sonda tələbələrə müvafiq təqaüdlər və sertifikatlar təqdim olunub.
