https://innews.az/uploads/news/2025-12/_innews_2bdcb1a210414098e82bc5287_o.jpg
Azərbaycan Dövlət Pedaqoji Universiteti (ADPU) ilə universitetin Həmkarlar İttifaqı Komitəsi arasında 2025–2027-ci illəri əhatə edən “Kollektiv müqavilə” imzalanıb. İmzalanma mərasimində ADPU-nun rektoru professor Cəfər Cəfərov, tədris işləri üzrə prorektor dos. Eldar Aslanov, rektorun müşaviri Ümid Mehdiyev, Hüquq şöbəsinin müdiri Qürbət Əsgərov, universitetin Həmkalar İttifaqı Komitəsinin sədri dosent Vaqif Əliyev və Komitənin vəzifəliləri iştirak ediblər.
Görüşdə ADPU ilə universitetin Həmkarlar İttifaqı Komitəsi arasında 2025–2027-ci illəri əhatə edən “Kollektiv müqavilə” imzalanıb. Azərbaycan Respublikasının Əmək Məcəlləsinə və Azərbaycan Respublikası Elm və Təhsil Nazirliyi ilə Elm və Təhsil İşçiləri Həmkarlar İttifaqı Respublika Komitəsi arasında 6 oktyabr 2025-ci il tarixində bağlanmış 2025–2027-ci illər üzrə Kollektiv Sazişə uyğun olaraq hazırlanmış müqavilə işəgötürənlə işçilər arasında əmək, sosial-iqtisadi və digər münasibətlərin tənzimlənməsini, əməkdaşların hüquq və maraqlarının müdafiəsini, həmçinin sosial təminat və əmək şəraitinin yaxşılaşdırılmasını nəzərdə tutur.
