https://innews.az/uploads/news/2025-12/_innews_5716d48c459e7e19fe0dfabf5_o.jpg
Sabirabad Gənclər Evi Sosial Xidmət Müəssisəsi tərəfindən görkəmli şair, dramaturq və ədəbiyyatşünas Bəxtiyar Vahabzadənin anadan olmasının 100 illik yubileyinə həsr olunmuş tədbir təşkil edilib.
"innews media" xəbər verir ki, tədbir H.Z. Tağıyev adına 6 saylı tam orta məktəbdə keçirilib. Tədbirdə Sabirabad Gənclər Evinin əməkdaşları və könüllüləri iştirak ediblər.
Tədbir zamanı Azərbaycan ədəbiyyatının tanınmış nümayəndəsi Bəxtiyar Vahabzadənin zəngin yaradıcılıq yolu, vətənpərvərlik ruhunda qələmə aldığı əsərləri, eləcə də milli-mənəvi dəyərlərin təbliğindəki müstəsna rolu barədə ətraflı məlumat verilib. Şairin şeirləri səsləndirilib, bəzi əsərləri isə səhnələşdirilərək iştirakçılara təqdim olunub.
Maraqlı çıxışlar və bədii təqdimatlarla yadda qalan tədbir iştirakçılar tərəfindən böyük maraqla qarşılanıb.
