Süni intellekt dövründə maarifləndirmə: narkomanlığa qarşı mübarizədə yeni mərhələ aydın görünür

Süni intellekt dövründə maarifləndirmə: narkomanlığa qarşı mübarizədə yeni mərhələ aydın görünür Süni intellekt dövründə maarifləndirmə: narkomanlığa qarşı mübarizədə yeni mərhələ aydın görünür https://innews.az/az/news/id-56098

Bildiyimiz və müşahidə etdiyimiz kimi, real dünya sürətlə dəyişir və reallıq ondan ibarətdir ki, gənclər sosial şəbəkələrdə və rəqəmsal platformalarda getdikcə daha çox zaman keçirirlər. Məhz bu səbəbdən zərərli vərdişlərə qarşı aparılan ənənəvi maarifləndirmə işlərinin zamanla süni intellekt dövrünün tələblərinə uyğun şəkildə təşkil olunması daha məqsədəuyğundur. Çünki yeni texnologiyalar insanların davranışlarını, seçimlərini və vərdişlərini analiz etməyə, onlara daha hədəfli və təsirli mesajlar çatdırmağa imkan yaradır.

Eyni zamanda, süni intellekt maarifləndirmənin yalnız məlumat ötürməklə məhdudlaşmamasına, hədəfin düzgün seçilərək doğru zamanda, doğru insana, doğru mesajın çatdırılmasına şərait yaradır. Süni intellektin gənclərin psixologiyasını, rəqəmsal davranışlarını və maraqlarını analiz etməsi daha təsirli və effektiv nəticəyə yönəlmiş təbliğat işinin aparılması üçün müstəsna bir resursdur. 
Təbii ki, bu prosesdə insan faktoru (valideynlər, müəllimlər və mütəxəssislər) əsas və əvəzolunmaz rol oynayır.

Raqif Allahverdiyev