https://innews.az/uploads/news/2025-12/_innews_db604536551f16b639833f66f_o.jpg
Dekabrın 22-də Azərbaycan Dövlət Pedaqoji Universitetinin (ADPU) Filologiya fakültəsində Xalq şairi Vahid Əzizin 80 illik yubileyinə həsr olunmuş “Sözlə danışan sevgi: 80 ilin Vahid Əzizi” adlı ədəbi-bədii tədbir keçirilib. Tədbirdə ADPU-nun rəhbərliyi, professor-müəllim heyəti və tələbələr, ədəbiyyat və mədəniyyət xadimləri, eləcə də poeziyasevərlər iştirak ediblər.
ADPU-nun rektoru professor Cəfər Cəfərov, beynəlxalq əlaqələr üzrə prorektor professor Mahirə Hüseynova, Ədəbiyyat kafedrasının dosenti Qüdrət Umudov, professor Firudin Cəlilov, professor Vidadi Orucov, kimya üzrə fəlsəfə doktoru Nazir Əhmədli çıxışlarında şairin Azərbaycan ədəbiyyatındakı müstəsna xidmətlərindən, onun zəngin və çoxşaxəli yaradıcılıq yolundan bəhs ediblər.
Tədbir çərçivəsində fakültənin nəzdində fəaliyyət göstərən “Meh” ədəbi dərnəyinin üzvləri tərəfindən Vahid Əzizin şeirləri səsləndirilib, yaradıcılığına həsr olunmuş ədəbi kompozisiyalar nümayiş etdirilib, tələbələrin ifasında musiqi və rəqslər təqdim olunub
Tədbirin sonunda iştirakçılar Xalq şairi Vahid Əzizə yaradıcılığı, poeziyaya münasibəti və ədəbi yolunun müxtəlif mərhələləri ilə bağlı suallar ünvanlayıblar.
