https://innews.az/uploads/news/2026-01/_innews_f5b66530485a1a27059fdee9f_o.jpg
"31 Dekabr – Dünya Azərbaycanlılarının Həmrəylik Günü və Yeni il" münasibətilə bayram tədbiri keçirilib.
Sabirabad Gənclər Evinin təşkilatçılığı ilə "31 Dekabr – Dünya Azərbaycanlılarının Həmrəylik Günü və Yeni il" münasibətilə bayram tədbiri təşkil olunub. Tədbirdə gənclər və kollektiv üzvləri bir araya gələrək bayram sevincini bölüşüblər.
Tədbirdə çıxış edən Sabirabad Gənclər Evinin direktoru Rəşad Qurbanov iştirakçıları bayram münasibətilə təbrik edib. O, çıxışında 31 Dekabr tarixinin milli birliyimizin və həmrəyliyimizin simvolu olduğunu vurğulayaraq, ötən il ərzində gənclərlə aparılan işlərin uğurlu nəticələrindən bəhs edib. Rəşad Qurbanov gənclərə yeni ildə daha böyük hədəflər arzulayıb, müəssisənin gənclərin inkişafı və asudə vaxtının səmərəli təşkili istiqamətində fəaliyyətini növbəti ildə də əzmlə davam etdirəcəyini qeyd edib.
Proqramın davamında gənclərin marağına səbəb olan, onların intellektual biliklərini və komanda işi bacarıqlarını nümayiş etdirən interaktiv viktorinalar, həmçinin dinamik enercayzerlər keçirilib. Olduqca şən və səmimi atmosferdə keçən yarışlarda fəallıq göstərən gənclərə və viktorina qaliblərinə Sabirabad Gənclər Evi tərəfindən müxtəlif hədiyyələr təqdim olunub.
Tədbirin keçirilməsində əsas məqsədi gənclər arasında həmrəylik ruhunu aşılamaq, bayram ərəfəsində onların asudə vaxtını maraqlı və yadda qalan etmək, eyni zamanda motivasiyalarını yüksəltməkdən ibarət olub. Tədbir iştirakçılar tərəfindən böyük coşqu ilə qarşılanıb.
#SabirabadGənclərEvi #HəmrəylikGünü #Yeniİl #BirKimiBirlikdə #2026
