logo
7 özəl şirkət hərbi təyinatlı məhsulun istehsalına başlayıb

7 özəl şirkət hərbi təyinatlı məhsulun istehsalına başlayıb

7 özəl şirkət hərbi təyinatlı məhsulun istehsalına başlayıb 7 özəl şirkət hərbi təyinatlı məhsulun istehsalına başlayıb

Prezident İlham Əliyev 05 yanvar 2026-cı il tarixində Azərbaycan Televiziyasına verdiyi müsahibədə ölkədə müdafiə sənayesinin inkişafı ilə bağlı mühüm məsələlərə toxunub. Dövlət başçısı bildirib ki, artıq 7 özəl şirkət hərbi təyinatlı məhsulların istehsalına başlamışdır. Bu, özəl sektorun strateji sahələrdə iştirakının artmasının bariz nümunəsidir. Prezident vurğulayıb ki, ümumilikdə 15 özəl şirkətə müvafiq lisenziyalar verilib və bu proses planlı şəkildə davam etdirilir. Prezident İlham Əliyevin sözlərinə görə, müdafiə sənayesində yerli istehsalın genişlənməsi Azərbaycanın hərbi baxımdan xarici asılılığını azaltmağa xidmət edir və milli təhlükəsizliyin gücləndirilməsinə töhfə verir. İstehsal olunan hərbi məhsullar keyfiyyət və texnoloji parametrlər baxımından beynəlxalq standartlara cavab verir və bir hissəsi ixrac olunur.

Dövlət başçısı bildirib ki, bu sahədə özəl şirkətlərin fəal iştirakı iqtisadi fəallığın artmasına və yeni iş yerlərinin yaradılmasına imkan verir. Müdafiə sənayesinə yatırılan investisiyalar eyni zamanda innovasiya və texnoloji inkişafı stimullaşdırır, belə təşəbbüslər gələcəkdə ölkənin müdafiə potensialını daha da gücləndirəcək.

Müsahibədə Azərbaycanın 2025-ci ildə təxminən 1,4 milyard manat dəyərində hərbi təyinatlı məhsul istehsal etdiyi vurğulanıb və bu məhsulların böyük hissəsinin Silahlı Qüvvələrə verildiyi, bir hissəsinin isə xarici ölkələrə ixrac edildiyi qeyd olunub.

Prezidenti əlavə edib ki, bu gün Azərbaycan təxminən 20-yə yaxın ölkəyə hərbi təyinatlı məhsullar ixrac edir. Müdafiə sənayesinin təkcə hərbi təhlükəsizlik baxımından deyil, eyni zamanda ölkənin iqtisadi inkişafı üçün də strateji əhəmiyyət daşıdığını qeyd edib. O, dövlətin bu sahədə özəl sektoru dəstəkləmək siyasətini davam etdirəcəyini vurğulayıb və bu istiqamətdə görüləcək əlavə tədbirlərin ölkənin milli maraqlarına xidmət edəcəyini bildirdi.

YAP Şirvan şəhər təşkilatının məsləhətçisi
İsrayılov Amil Faiq oğlu

footer
Top

Ən son xəbərləri səhifəmizdən də izləyin