“Bizim İkinci Qarabağ müharibəsindəki Qələbəmiz çox böyük layları yerindən oynadıb.”

“Bizim İkinci Qarabağ müharibəsindəki Qələbəmiz çox böyük layları yerindən oynadıb.” “Bizim İkinci Qarabağ müharibəsindəki Qələbəmiz çox böyük layları yerindən oynadıb.” https://innews.az/az/news/id-56698

Bu fikri Azərbaycan Respublikasının Prezidenti yerli jurnalistlərə müsahibəsində səsləndirərək 44 günlük Vətən müharibəsinin yalnız hərbi deyil, siyasi, geosiyasi və psixoloji nəticələrinin miqyasını dəqiq ifadə etmişdir.

2020-ci ilin payızında Azərbaycan Ordusunun Ali Baş Komandan İlham Əliyevin rəhbərliyi altında qazandığı möhtəşəm Qələbə təkcə torpaqlarımızın işğaldan azad edilməsi ilə yekunlaşmadı. Bu Qələbə uzun illər regionda formalaşmış saxta təsəvvürləri, ədalətsiz status-kvonu və beynəlxalq münasibətlərdə kök salmış ikili standartları kökündən sarsıtdı. Müharibədən əvvəl Cənubi Qafqazda yaranmış “dəyişməz reallıqlar” mifinin əsassız olduğu bütün dünyaya sübut olundu.

İkinci Qarabağ müharibəsi göstərdi ki, beynəlxalq hüquq kağız üzərində qaldıqda onu icra edən güclü iradə və güclü dövlət olmalıdır. Azərbaycan məhz bu iradəni ortaya qoydu. 30 ilə yaxın müddətdə icra olunmayan BMT Təhlükəsizlik Şurasının qətnamələri Azərbaycan tərəfindən öz gücü və siyasi qətiyyəti hesabına həyata keçirildi. Bu fakt beynəlxalq münasibətlər sistemində ciddi rezonans doğurdu və regionda güc balansını köklü şəkildə dəyişdi.

Qələbəmiz həm də Ermənistan cəmiyyətində və siyasi elitasında illərlə formalaşdırılmış “məğlubedilməzlik” illüziyalarını darmadağın etdi. Eyni zamanda, bu Qələbə Azərbaycan xalqının milli ruhunu, özünə inamını və dövlətinə bağlılığını daha da möhkəmləndirdi. Xalq–Prezident–Ordu birliyi tarixi bir nümunə kimi ortaya çıxdı və müasir dövlətçilik tariximizdə qızıl səhifə yazıldı.

Regiondan kənarda da bu Qələbə ciddi nəticələr doğurdu. Cənubi Qafqaz artıq yeni təhlükəsizlik və əməkdaşlıq arxitekturasına qədəm qoydu. Azərbaycan qalib dövlət kimi sülh gündəliyini irəli sürdü, kommunikasiyaların açılması, regional əməkdaşlıq və dayanıqlı sülh təşəbbüsləri ilə lider mövqeyini nümayiş etdirdi. Bu isə bir daha sübut etdi ki, Azərbaycan yalnız müharibədə deyil, sülh quruculuğunda da məsuliyyətli və prinsipial dövlətdir.

Prezidentin qeyd etdiyi kimi, Qələbəmiz böyük layları yerindən oynatdı — siyasi maraqların balansını dəyişdi, tarixi ədaləti bərpa etdi, regionun gələcəyinə yeni baxış gətirdi. Bu Qələbə Azərbaycan tarixində yalnız bir hərbi zəfər deyil, milli dirçəlişin, dövlət gücünün və xalq iradəsinin təntənəsi kimi əbədi qalacaq.

Natiq Kərimli 

YAP Şirvan şəhər təşkilatının əməkdaşı