https://innews.az/uploads/news/2026-01/_innews_a8b5735623adc2d011d971a7f_o.jpg
Sabirabad Gənclər Evinin təşkilatçılığı ilə “Xüsusi qayğıya ehtiyacı olan insanlara cəmiyyətdə düzgün münasibətin formalaşdırılması” mövzusunda təlim təşkil olunub.
Təlim peşəkar psixoloq Sənan Bayramov və icma əsaslı təhsil layihəsinin əməkdaşı Aybəniz Əzizova tərəfindən keçirilib.
Təlim zamanı iştirakçılara xüsusi qayğıya ehtiyacı olan şəxslərə qarşı empatik yanaşma, düzgün ünsiyyət formaları, cəmiyyətdə inklüziv mühitin yaradılmasının əhəmiyyəti və bu sahədə mövcud stereotiplərin aradan qaldırılması mövzularında ətraflı məlumat verilib. Praktik nümunələr və interaktiv müzakirələr vasitəsilə mövzu daha aydın və anlaşılan şəkildə izah olunub.
Sonda iştirakçıların sualları cavablandırılıb, fikir mübadiləsi aparılıb və mövzu ətrafında faydalı tövsiyələr təqdim olunub. Təlim gənclər tərəfindən maraqla qarşılanıb və yüksək fəallıqla keçib.
