https://innews.az/uploads/news/2026-01/_innews_5ca50d620c33f4df828405f87_o.jpg
Azərbaycan Respublikası Ali Məhkəməsi Plenumunun 24 dekabr 2025-ci il tarixli “Şəxsiyyət hüquqlarının müdafiəsi” haqqında qərarı ilə 1999-cu il 14 may tarixli əvvəlki plenum qərarı qüvvədən düşmüşdür. Yeni qərar şərəf, ləyaqət və işgüzar nüfuz anlayışlarını bir-birindən və şəxsi toxunulmazlıq hüququndan fərqləndirərək onların hüquqi mahiyyətini ayrıca müəyyən edir.
Plenum qərarında ləyaqət insanın doğulduğu andan malik olduğu mənəvi dəyər kimi, şərəf isə şəxsin mənəvi keyfiyyətlərinə və davranışına görə cəmiyyətdə qazandığı dəyər kimi təqdim olunur. İşgüzar nüfuz isə fiziki və ya hüquqi şəxsin peşəkar fəaliyyəti nəticəsində formalaşan ictimai rəy hesab edilir.
Qərar məhkəmə təcrübəsində şəxsiyyət hüquqlarının müdafiəsi mexanizmlərinin daha aydın və sistemli tətbiqinə imkan yaradır.
