https://innews.az/uploads/news/2026-02/_innews_657d64b874974d1f34846263c_o.jpg
Azərbaycan Dəmir Yolları (ADY) və “Parlaq İmzalar” Nəşriyyatının birgə təşəbbüsü ilə oxu mədəniyyətinin təşviqinə yönəlmiş yeni layihəyə start verilib.
Beynəlxalq Kitab Bağışlama Günü münasibətilə həyata keçirilən aksiya çərçivəsində qatarla səfər edən sərnişinlərə müxtəlif kitablar hədiyyə olunub. Təşəbbüs sərnişinlərin səyahətini daha maraqlı, mənalı və yadda qalan etməklə yanaşı, mütaliəyə marağın artırılmasına xidmət edib.
Layihə çərçivəsində vurğulanıb ki, kitab bağışlamaq yalnız bir hədiyyə təqdim etmək deyil, həm də bilik, inkişaf və gələcəyə töhfə vermək deməkdir. ADY oxu mədəniyyətinin təşviqinə yönələn bu təşəbbüsü hər il daha geniş miqyasda davam etdirməyi planlaşdırır.
Qeyd edək ki, layihənin əsas məqsədi cəmiyyətdə mütaliə ənənələrini gücləndirmək və kitabın gündəlik həyatın ayrılmaz hissəsinə çevrilməsinə dəstək olmaqdır.
