https://innews.az/uploads/news/2026-02/_innews_9abeef62764ba0dc87077fc2c_o.jpg
Azərbaycan Dəmir Yolları (ADY) və “Parlaq İmzalar” Nəşriyyatının birgə həyata keçirdiyi, qiraət mədəniyyətinin təşviqinə yönəlmiş layihə çərçivəsində sərnişinlərə kitab hədiyyəsi aksiyası davam etdirilir.
Layihə çərçivəsində Bakı–Qazax, Bakı–Ağstafa və Bakı–Ağdam marşrutları üzrə hərəkət edən qatarlarda hər şənbə günü sərnişinlərə kitablar təqdim olunur. Təşəbbüs səyahət zamanı mütaliə vərdişlərini təşviq etməklə yanaşı, səfərlərin daha mənalı və yaddaqalan keçməsinə töhfə verir.
Qeyd edək ki, layihənin əsas məqsədi oxu mədəniyyətini genişləndirmək, kitabı gündəlik həyatın ayrılmaz hissəsinə çevirmək və sərnişinlər arasında mütaliəyə marağı artırmaqdır. Bir kitabın bəzən ən yaxşı yol yoldaşı olduğu ideyası ilə həyata keçirilən təşəbbüs gələcəkdə də davam etdiriləcək.
