“İmkanlar hər kəs üçün” layihəsinin 3-cü həftəsi uğurla başa çatdı

“İmkanlar hər kəs üçün” layihəsinin 3-cü həftəsi uğurla başa çatdı “İmkanlar hər kəs üçün” layihəsinin 3-cü həftəsi uğurla başa çatdı https://innews.az/az/news/id-60115

DOST İnklüziv İnkişaf və Yaradıcılıq Mərkəzi tərəfindən Ümumdünya Şəhərsalma Forumunun 13-cü sessiyasına (WUF13) hazırlıq çərçivəsində Azərbaycan Şəhərsalma Kampanıyasının “İmkanlar hər kəs üçün” sosial layihəsi üzrə təcrübə proqramının 3-cü həftəsi uğurla yekunlaşıb.

Proqram iştirakçıları bu həftə ərzində fərqli sektorları əhatə edən qurumlarda praktiki biliklərə yiyələniblər.

Gənclər Ekologiya və Təbii Sərvətlər Nazirliyi yanında Milli Hidrometeorologiya Xidməti, "Nar Mobile" Müştəri Xidmətləri Mərkəzi, "Design Bureau" memarlıq və dizayn studiyasında təcrübə keçiblər.

Onlar hava proqnozlarının hazırlanması, ətraf mühitin monitorinqi, vətəndaş məmnunluğunun təmin edilməsi, xidmət keyfiyyətinin yüksəldilməsi, inklüziv dizayn prinsipləri və yaradıcı layihələrin idarə olunması prosesilə tanışlıq imkanı qazanıblar.

“İmkanlar hər kəs üçün” sosial layihəsi həssas qruplardan olan gənclərin cəmiyyətə inteqrasiyasını sürətləndirmək, onların peşəkar bacarıqlarını artırmaq və inklüzivliyin təşviqi məqsədi daşıyır.