https://innews.az/uploads/news/2026-04/_innews_e645573eb499ea5ca9c01d3d4_o.jpg
Azərbaycan Dövlət Pedaqoji Universiteti Gənc Alimlər və Tədqiqatçılar Şurasının təşkilatçılığı ilə “Birinci Türkoloji Qurultayın 100 illik yubileyinin keçirilməsi haqqında” Azərbaycan Respublikası Prezidentinin Sərəncamına uyğun olaraq “Ana dilimiz milli kimliyimizdir” adlı müsabiqə elan edir.
Müsabiqənin keçirilməsində əsas məqsəd magistrant, doktorant və gənc tədqiqatçıların elmi yaradıcılıqlarını dəstəkləmək və stimullaşdırmaq, onları Birinci Türkoloji Qurultayın tədqiqi ilə bağlı müxtəlif elmi istiqamətlərdə tədqiqata cəlb etmək və elmi məqalələr hazırlamağa təşviq etməkdir.
Müsabiqəyə aşağıdakı istiqamətlər üzrə məqalələr təqdim edilə bilər:
- Azərbaycan dili və orfoqrafiya məsələsi
- Azərbaycan dili və əlifba problemi
- Türkoloji Qurultay və türk xalqları üçün ortaq ədəbi dil məsələsi
- Azərbaycan ədəbiyyatı
- Azərbaycan dili və ədəbiyyatının tədrisinin aktual problemləri
- Birinci Türkoloji Qurultayda tarix, coğrafiya və etnoqrafiya məsələləri
Müsabiqədə 35 yaşına qədər ADPU-da təhsil alan magistrant və doktorantlar, elmi-pedaqoji fəaliyyətlə məşğul olan gənc tədqiqatçılar iştirak edə bilərlər. İştirak etmək istəyənlər məqalələri 27 aprel 2026-cı il tarixinədək ilkin.quluzade@adpu.edu.az elektron poçt ünvanına göndərə bilərlər.
Müsabiqənin şərtləri ilə buradan tanış ola bilərsiniz.
