Azərbaycan Kapoeyra Federasiyasının yığma komandası Polşada keçirilən yarışda yüksək nəticələr qazanıb

Ümumdünya Kapoeyra Federasiyası Polşanın Zakopane şəhərində turniri təşkil edib.

innews.media AZƏRTAC-a istinadən bildirir ki, Azərbaycan Kapoeyra Federasiyasının yığma komandası bu yarışda yüksək nəticələr qazanıb. Belə ki, ondan çox ölkənin iştirak etdiyi turnirdə Azərbaycan kapoeyraçıları medal hesabında Estoniya və Almaniya idmançılarını geri qoyaraq fəxri kürsünün ilk pilləsində yer alıblar.

İdmançılarımızdan Fərid Allahverdiyev, Toğrul Qurbanov, Asya Atayeva, Mehriban Hacıbabayeva və Əli Tağızadə qızıl, Cavidan Pənahlı, Aydan Əliyeva və Fərid Səlimov gümüş, Əli Davud, Rəhmətullah Eyvazov və Şəms Rəhimzadə isə bürünc medal əldə ediblər.