Ayxan Mamayev və Mədinə Sadiqova bürünc medal qazanıb

Milli komandanın üzvləri İndoneziyanın paytaxtı Cakartada Karate1 Seriya A turnirində iki bürünc medalını qazanıb.

Ayxan Mamayev (-84 kq) və Mədinə Sadiqova (-55 kq) nüfuzlu yarışı üçüncü yerdə başa vurub. Digər karateçimiz Renata Ərəbli (-61 kq) isə bürünc mükafat şansını əldən verib. İdmançılarımızı kumite üzrə kişilərin baş məşqçisi Qurban Tağıyev müşayiət edib.

18-20 Noyabr tarixlərində mövsümün son Seriya A turnirinə 65 ölkədən 661 karateçi iştirak edib.

Media və İctimaiyyətlə İşlər katibi Sənan Məhərrəmov. Cakarta, İndoneziya.